Maidir linne
Is clinic aeistéitiúil cliniceoir-bhunaithe é Ocean Aesthetics a thairgeann cóireálacha aeistéitiúla agus cúraim craicinn den chéad scoth atá curtha in oiriúint go cúramach agus atá suite ar Shlí an Atlantaigh Fhiáin. Tá clinicí i Leitir Ceanainn agus i Machaire Rabhartaigh.
Is clinic aeistéitiúil cliniceoir-bhunaithe muid a thairgeann cóireálacha aeistéitiúla agus cúram craicinn den chéad scoth ar Shlí an Atlantaigh Fhiáin. Tá sé mar aidhm againn a bheith ar an chlinic aeistéitiúil is fearr san Iarthuaisceart, ag cur raon leathan cóireálacha sábháilte agus éifeachtacha ar fáil dár gcliaint. Má tá tú ag lorg cóireálacha frithroctha, ciorcail dorcha, nó cóireálacha do lí mhíchothrom, cuirimid comhairliúcháin craicinn, táirgí cúram craicinn Obagi, Radiance Obagi Blue Peel, teanndáileog craicinn, líonach deirmeach agus instealltaí frithroctha ar fáil.
Thig linn cóir leighis a chur ar sprochaillí agus saill an-tréan le hinstealltaí díscaoilte saille Aqualyx. Cuirimid cóireálacha aicne agus rosacea ar fáil freisin le comhairliúchán craiceann aonair lenár dochtúir chun do chóireáil a chur in oiriúint go sainiúil.
Seo í an fhoireann
Bhain Moya céim le hOnóracha BSc in Altranas Ginearálta amach ó OTA Leitir Ceanainn in 2010. Ó bhain sí céim amach, chaith sí a cuid ama ag obair mar altra i gclinic ginearálta ag soláthar cúraim do shláinte na mban, bainistíocht galar ainsealach, seirbhísí imdhíonta agus cur chun cinn sláinte. Chríochnaigh sí a hoiliúint aeistéitic leis an Cosmed Academy i mBaile Átha Cliath agus tá sí ina ball de Chumann Altraí Aeistéitiúla Deirmeolaíochta na hÉireann. Tá Moya paiseanta faoina cuid oibre in aeistéitic agus tá sí ag nuashonrú a punainne i gcónaí trí oiliúint sna cóireálacha aeistéitiúla is gairide. Nuair nach bhfuil ag obair Moya, baineann sí sult as siúlóidí fada ar an trá agus am lena teaghlach.
Bhain an Dochtúir Ross céim amach sa leigheas ó Choláiste na Tríonóide, Baile Átha Cliath in 2014. Tá sé ag obair idir Dún na nGall agus Iúr Cinn Trá le 15+ bliain ag cleachtadh leighis. I rith na tréimhse seo, tá tuigbheáil ghéar forbartha aige ar chúram leighis pearsantaithe. Faoi láthair oibríonn sé mar dhochtúir teaghlaigh in Iúr Cinn Trá agus cuireann sé seirbhísí aeistéitiúla ar fáil ar an Iúr agus i nDún na nGall. Rinne sé Dioplóma Iarchéime sa Deirmeolaíocht ó Ollscoil Dheisceart na Breataine Bige agus fuair sé oiliúint san aeistéitic leis an Array Academy i mBéal Feirste. Creideann sé go bhfuil sé riachtanach cumhacht a thabhairt do dhaoine smacht a fháil ar a gcraiceann féin le tuigbheáil láidir a bheith acu ar a nádúr féin. Taobh amuigh den obair caitheann an Dochtúir Ross an chuid is mó dá chuid ama ag dreapadóireacht sléibhe lena mhuintir nó nuair a éiríonn siad bréan dó sin, bíonn sé surfáil nuair a bhíonn deis aige.
Bhain an Dochtúir Sammy céim amach i gColáiste Ríoga na Máinliá in Éirinn in 2015. Ó bhain sí céim amach tá sainoiliúint sa chleachtas ginearálta déanta aici chomh maith le cáilíochtaí iarchéime in Oideachas Gairmiúil Sláinte agus Ceannaireacht Cúraim Sláinte. Chríochnaigh an Dochtúir Sammy a hoiliúint aeistéitic leis an Array Academy i mBéal Feirste. Is é an chuid is fearr léi de bheith ag obair in aeistéitic ná an meangadh gáire a bhíonn ar a cliant nuair a fheiceann siad an chuma atá orthu i ndiaidh a gcóireálacha. Nuair nach bhfuil sí ag obair, baineann an Dochtúir Sammy sult as júdó (ina bhfuil crios dubh aici) agus a bheith i gcuideachta a teaghlaigh.
Cóireálacha
Obagi Blue Peel Radiance
Is é an Obagi Radiance Peel ann ná scamhachán éadain ceimiceach bunaithe ar aigéad salaicileach atá tapa agus éasca do gach cineál craiceann. Scamhann agus cabhraíonn sé leis an gcoimpléasc ar fad a fheabhsú. Tá sé i gceist ag an scamhachán cabhrú le neamhíonachtaí leibhéal dromchla, craiceann marbh, agus aon rud eile a chosc ó do chraiceann le go mbeidh do chraiceann is fearr agat riamh.
Cuidíonn an Obagi Radiance Peel le leibhéal dromchla barr an choimpléasc a bhaint go tapa agus go héifeachtach, ag fágáil craiceann níos réidhe agus níos soiléire ina dhiaidh.
SkinPen Micrea-shnáthaid
Is é SkinPen an chéad ghléas mhicrea-shnáthaide atá faofa ag an FDA ar domhan atá cruthaithe go cliniciúil chun dul i ngleic go sábháilte agus go héifeachtach leis an chuma a bhíonn ar roic ar an mhuineál agus coilm aicne éadain.
Mholfadh 90% de shuibiacht na trialach cliniciúla an chóireáil do chairde agus do mhuintir. Agus mhothaigh 94% d'othair feabhas ar a roic 1 mhí i ndiaidh a gcóireáil tosaigh.
Teanndáileog Craicinn
Ath-hiodráitíonn teanndáileoga craicinn an craiceann ón taobh istigh amach agus feabhsaíonn leaisteachas agus teinne an chraicinn. Is cóireáil móréilimh é seo ar mhaithele luath-dhochar gréine, línte caola fánacha, agus uigeacht craiceann atá garbh nó míchothrom. Ag Ocean Aesthetics, úsáideann muid teanndáileog craicinn Belotero Revive. Cuireann an t-aigéad hialúrónach in-insteallta cóireáil ar chomharthaí luatha de dhochar gréine fríd an chraiceann a ath-hiodráitiú, feabhas a chur ar leaisteachas agus teinne an chraicinn agus línte caolta a bhogadh trí ghairbhe an chraicinn a laghdú.
